一路以為2DP淨係得甜品食，但原來係間新派素食餐廳，有正餐同小食提供，雖然唔算多款式，但想食個light meal係個唔錯嘅選擇。
韓式泡菜芝士漢堡($88)
漢堡包都算鬆軟，面頭加咗芝麻燕麥等穀物，口味較豐富，帶啲芝麻香，比齋包優勝。素肉漢堡調味尚可，但「肉」質偏散，欠缺質感。伴碟嘅係焗蕃薯條，雖然冇炸薯條咁香口，但健康得多，食多啲都唔怕！而且蕃薯好甜喔🍠
秘密花園刨冰（$82）
粉紅色玫瑰忌廉鋪上食用花及蝴蝶酥，見到即刻少女心爆發。
玫瑰忌廉幼滑，味道唔會過甜，都算自然不人造，另外加咗古樹白茶，所以不時食到淡淡茶香。刨冰內有球牛奶雪糕，奶味尚算濃郁，但由於刨冰本身冇味，加上玫瑰忌廉份量唔多，所以食到後半段已經冇咩味。
Search